சமையல் குறிப்புகள்: முட்டை கறி

Friday, 28 October 2011

தேவையானவை :

முட்டை – 4

உப்பு – சிறிதளவு

தாளிக்க :

கடுகு – 1/2 தே. கரண்டி

உளுந்தம் பருப்பு – ½ தே. கரண்டி

சின்ன வெங்காயம் (பொடியாக நறுக்கியது) – 1 மே. கரண்டி

கருவேப்பிலை – சிறிது

தே. எண்ணெய் –2 தே. கரண்டி

அரைக்க :

தேங்காய் – 3 மே . கரண்டி

மிளகாய் வற்றல் – 2

சின்ன வெங்காயம் – 1 மே. கரண்டி

மஞ்சள் பொடி – ½ தே. கரண்டி

சீரகம் – ½ தே. கரண்டி

கருவேப்பிலை – சிறிது

செய்முறை :

அரைக்க கொடுத்துள்ளதை கரகரப்பாக அரைக்கவும்.
வாணலியில் எண்ணெய் ஊற்றி தாளிக்க கொடுத்துள்ளதை போட்டு தாளித்து அதனுடன் அரைத்த தேங்காய், உப்பு சேர்த்து சிறிது தண்ணீர் ஊற்றி இரண்டு நிமிடம் கொதிக்க வைக்கவும். கறி ரொம்ப தண்ணீராகவோ, ரொம்ப கெட்டியாகவோ இருக்கக்கூடாது.
அதனுள் ஒவ்வொரு முட்டையாக உடைத்து ஊற்றவும்.
தீயை குறைத்து, வாணலியை மூடி வைத்து சுமார் ஐந்து நிமிடம் வேக வைக்கவும். முட்டை வேந்துவிட்டால் இறக்கி விடலாம்.