வெஜிடேரியன் நூடுல்ஸ்

தேவையான பொருட்கள்:

நூடுல்ஸ் 250கிராம்
சோயா 100கிராம்
க்ரட் 1 பெரியது
பீன்ஸ் 100கிராம்
கோவா/முட்டைக்கோஸ் 100கிராம்
லீக்ஸ் 100கிராம்
வெங்காயம் 1

அரைத்த பூண்டு விழுது 1/2 மேசைக்கரண்டி
அரைத்த காய்ந்தமிளகாய் / செத்தல் தூள் - 1/2 மேசைக்கரண்டி
மிளகாய் தூள் 1/2 மேசைக்கரண்டி
உப்பு தேவையான அளவு
எண்ணெய் சிறிதளவு

செய்முறை:
1. � ��ரு பாத்திரத்தில் தேவையான அளவு நீரை ஊற்றி கொதிக்க வையுங்கள். நீர் கொதித்து வரும் போது நூடுல்ஸ், சிறிதளவு உப்பு மற்றும் 1/2 மேசைக்கரண்டி எண்ணெயை போடுங்கள். நூடுல்ஸ் வெந்ததும், கொதி நீரை வடித்து, பின்னர் மீண்டும் சாதாரண நீர் சேர்த்து மறுபடியும் நீரை வடித்து எடுங்கள். (இப்படி செய்தால் நூடுல்ஸ் குளையாமல் வரும்)

2. தேவையான பொருட்களில் உள்ள அனைத்து காய்கறிகளையும் சுத்த ம் செய்து, சிறிதாக அரிந்து கொள்ளுங்கள்.

3. கொதிநீரில் சோயாவை 5நிமிடங்களுக்கு ஊற வைத்து, பின்னர் நீரை பிளிந்து எடுத்துக் கொள்ளுங்கள். சிறிதளவு மிளகாய்த்தூள் உப்பு சேர்த்து எண்ணெயில் பொரித்தெடுத்து வைத்துக் கொள்ளுங்கள்.

4. ஒரு பாத்திரத்தில் சிறிதளவு எண்ணெய் விட்டு, முறையே: வெங்காயம், கரட்+பீன்ஸ்+கோவா+லீக்ஸ், அரைத்த பூண்டு+காய்ந்தமிளகாய்த்தூள் சேர்த்து வதக்கி எடுங்கள்.

5. இந்த காய்கறிக்கலவை தயாரானதும் நூடுல்ஸையும், பொரித்த சோயாவையும் போட்டு கிளறி எடுங்கள்.