முட்டை கருவாடு மிளகு குழம்பு muttai karuvadu mizhaku kulampu

முட்டை கருவாடு மிளகு குழம்பு
by naliniselva
New Tamil  samayal kurippugal

"முட்டை கருவாடு மிளகு குழம்பு செய்யும் முறை:

தேவையான பொருட்கள்

வஞ்சிரம் கருவாடு : 3 துண்டு

முட்டை : 3

மிளகு சீரகம் : 25 கிராம்

நாட்டு பூண்டு : 30 பல்

நல்லெண்ணை : 50 கிராம்

புளி : எலுமிச்சம்பழம் அளவு

உப்பு : தேவையான அளவு

செய்முறை:

மிளகு சீரகத்தை தண்ணீர் விட்டு நன்றாக அரைத்து கொள்ளவும். பூண்டை உரித்து அதில் பாதியை ஒன்றிரண்டாக தட்டிக்கொள்ளவும். வாணலியில் நல்லெண்ணை ஊற்றி அதில் முழுதாக உள்ள பூண்டை வதக்கவும். பிறகு தட்டிய பூண்டையும் வதக்கி அதனுடன் அரைத்து வைத்துள்ள மிளகுசீரகத்தை போட்டு நன்றாக வதக்கி கருவாடையும் போட்டு பொரிந்தவுடன் புளியை கரைத்து ஊற்றி உப்பு போட்டு கொதிக்க விடவும். கொதித்தவுடன் அடுப்பை சிம்மில் வைத்து முட்டையை உடைத்து ஊற்றி வாணலியை மூடி வைத்து முட்டையை வேகவிடவும். சிறிது நேரம் கழித்து முட்டையை திருப்பி போட்டு வேகவிட்டு அடுப்பை அணைக்கவும். சுவையான முட்டை கருவாடு மிளகு குழம்பு தயார்.

குறிப்பு : இந்த குழம்பிற்கு நல்லெண்ணை தான் ஊற்றவேண்டும். குழம்பில் அதிகம் தண்ணீர் ஊற்றக் கூடாது.

Attached Images

Show commentsOpen link

முட்டை பிரியாணி

தேவையான பொருட்கள் :

பாசுமதி அரிசி - 2 ஆழாக்கு

வெங்காயம் - 150 கிராமம்

தக்காளி - 150 கிராமம்

புதினா, கொத்தமல்லி இலை - 1/4 கட்டு

பச்சை மிளகாய் - 4

மிளகாய்த்தூள் - 1/2 டீஸ்பூன்

தேவையான பொருட்கள் :

பாசுமதி அரிசி - 2 ஆழாக்கு

வெங்காயம் - 150 கிராமம்

தக்காளி - 150 கிராமம்

புதினா, கொத்தமல்லி இலை - 1/4 கட்டு

பச்சை மிளகாய் - 4

மிளகாய்த்தூள் - 1/2 டீஸ்பூன்

தனியாத்தூள் - 1 டீஸ்பூன்

தயிர் - 1 குழிக்கரண்டி

இஞ்சி, பூண்டு விழுது - 2 டீஸ்பூன்

உப்பு - தேவையான அளவு

எண்ணெய் - 1/2 குழிக்கரண்டி

தாளிக்க - பட்டை, லவங்கம், பிரிஞ்சி இலை

செய்முறை :

முட்டையை வேக வைத்து கட் செய்து கொள்ளவும். வெங்காயத்தை நீள வாக்கில் நறுக்கிக் கொள்ளவும். தக்காளியை நறுக்கிக் கொள்ளவும். மிளகாயை கீறிக்கொள்ளவும்.

அடிகனமான பாத்திரத்தில் எண்ணெய் (தேவைப்படுபவர்கள் டால்டா சேர்க்கலாம்) ஊற்றி, காய்ந்ததும் பட்டை, லவங்கம், பிரிஞ்சி இலை சேர்த்து வதக்கவும்.

பின் வெங்காயம், தக்காளி, மிளகாய், இஞ்சி, பூண்டு விழுது, நறுக்கிய புதினா, கொத்தமல்லி இலை இவைகளை ஒன்றன் பின் ஒன்றாகச் சேர்த்து நன்கு வதக்கவும்.

தொடர்ந்து மிளகாய்த்தூள், தனியாத்தூள், தேவைக்கேற்ப உப்பு சேர்த்துக் கிளறவும். தயிர் சேர்க்கவும்.

இத்துடன் அரிசியையும் சேர்த்துக் கிளறவும். அரிசியைப்போல் ஒன்றரை மடங்கு நீர் ஊற்றவும்.

(சாதாரண பச்சரிக்கு இருமடங்கு நீர் ஊற்றவும்). 

அரிசி வெந்து வரும் சமயம் நறுக்கிய முட்டை துண்டுகளை மேலே சேர்த்து தம் கட்டி மூடிவிடவும்.

உப்பை சரி பார்த்து இறக்கவும்.